«Բա ի՞նչ անեմ․ էնքան խաբել ա»․ ցուցարար կինը, կառավարության դիմաց, փորձել է կտրել երակները (տեսանյութ)

Սյունիքի մարզի Կապան համայնքից Երևան եկած Էմմա Հարությունյանը նախկին կառավարության ժամանակ, 7 տարի շարունակ արդարություն պահանջելով և չգտնելով՝ հույսը դրել է նոր իշխանության վրա, սակայն դեռևս անարդյունք։

Նա այն առաջիններից է, ով վարչապետ Նիկոլ Փաշինյանի պաշտոնավարման հենց առաջին օրը՝ նախորդ տարվա մայիսի 11-ին, մոտեցավ նրան։ Վերջինս խոստացավ օգնել, բայց միայն խոստացավ։

Տիկին Էմանն NEWSPRESS.am-ի հետ զրույցում պատմեց, որ իր տղան, 30-ամյա Արա Խաչատրյանն, արդեն 8 տարի է, ինչ կորել է: 

2011 թվականի հունիսի 2-ին տղային իր աչքի առաջ ընկերները վերցրել են, տարել, ու նա այլևս չի վերադարձել։ Բայց գործը բացահայտելու փոխարեն, պատկան մարմինները պարզապես տղային ճանաչել են որպես անհայտ կորած ու գործը փակել։

Փաշինյանից նա ակնկալիքներ ուներ, բայց վերջինս էլ թեև հանձնարարել էր գործը քննել, սակայն բացահայտման գործընթաց չի սկսվել։ Հուսահատ կինը նախորդ շաբաթ՝ կառավարության նիստից առաջ, փորձել է հանդիպել Փաշինյանին, սակայն վերջինս անտարբեր անցել է իր մեքենայով նրա կողքից։

Ակնատեսները պատմում են, որ հուսահատ կինը, իր պայուսյակից հանել է փոքր դանակ ու փորձել կտրել երակները։ Նրա գործողությունները կանխել են տարածքում աշխատող ոստիկանները։ Վերջիններս տեղափոխել են տիկին Էմմային հիվանդանոց, որտեղ նա համապատասխան բուժօգնություն է ստացել։ Այժմ նրա առողջական վիճակը նորմալ է, բայց նախկինի պես փորձում է գտնել պաշտոնյաների, ովքեր կզաղվեն իր տղայի գործը բացահայտելու ուղղությամբ։

Մեր հարցին, թե՞ ճիշտ է, որ նա փորձել է դիմել ինքնասպանության, կինը պատասխխանեց․

«Դիմել եմ, բա ի՞նչ անեմ․ էնքան խաբել ա»,-ասաց նա ու տեսնելով հերթական պաշտոնյանին, ով կարող էր լսլել իրեն ու լուծել իր հարցը՝ մոտացավ նրան։ 

«Հլա սպասի՝ գնամ Էդուարդին տեսնեմ․․․»,-ասաց նա ու հեռացավ 

Մանրամասները՝ տեսանյութում