Ո՞նց թե ժամանակ չունեն, ես ձեզ ասում եմ անարդարության մասին, չեք ուզո՞ւմ հետևից գնաք. զոհվածի մայրը՝ կառավարությանը (տեսանյութ)

Խաղաղ պայմաններում զոհված զինծառայող Վալերիկ Մուրադյանի մայրը՝ Նանա Մուրադյանը, կառավարության դիմաց հերթական բողոքի ակցիան էր իրականացնում։ Այս անգամ նա փոքր ուշ էր եկել:

NEWSPRESS. am-ի հետ զրույցում նա պատմեց, որ ՌԴ-ից ծառայության նպատակով Հայաստան է եկել իր տեգոր տղան, սակայն պարզվել է, որ տղան առողջական խնդիրներ ունի։ Չնայած դրան՝ տղային ծառայությունից չեն ազատել։ Այժմ կանայք, արդարությունը վերականգնելու և խնդրին օրինական լուծում տալու նպատակով, դիմել են  Պետական վերահսկողության ծառայության պետի խորհրդական Աշոտ Վանյանի օգնությանը: Նրանք նաև կառավարությանն են դիմել, բայց արձագանք չեն ստացել:

«Ես Փաշինյանի օգնական Նաիրի Սարգսյանին էլ եմ ներկայացրել խնդիրը ու ասել, որ նախկին իշխանության կոռումպացված ներկայացուցիչների կողմից, ովքեր դեռ մնացել են համակարգում՝ անարդարություններ են տեղի ունենում, անազնվություն է տեղի ունենում: Հետո Նաիրիին նորից տեսնում եմ, հարցնում՝ Փաշինյանին փոխանցե՞լ եք իմ ասածները, ասում ա՝ դե հո ես ամեն ինչ չեմ ասում Փաշինյանին. ինքը ժամանակ չունի։ Ո՞նց թե ժամանակ չունի, բա ինչի՞ համար ես դու էդտեղ, Նաիրի Սարգսյան, բա քեզ ինչի՞ համար է Փաշինյանը կողքին պահում՝ աթոռ զբաղեցնելո՞ւ: Ես ձեզ ասում եմ անարդարության մասին, դուք չեք ուզո՞ւմ հետևից գնաք»,- մեզ հետ զրույցում վրդովված ասում է Նանա Մուրադյանը։

Մանրամասները՝ մեր տեսանյութում.