«Փաստ». Ստիպում են, որ ՏԻՄ մարմինների ղեկավարներն անպայման կուսակցական լինեն

«Փաստ» թերթը գրում է.

«Գաղտնիք չէ, որ իշխանությունները ՏԻՄ համակարգում ձեռնամուխ են լինելու արմատական փոփոխությունների՝ այն հնարավորինս կառավարելի դարձնելու նպատակով:

Նման ցանկության մասին իր հերթական լայվերից մեկի ժամանակ ակնարկեց Նիկոլ Փաշինյանը, իսկ արդեն նախօրեին տեղի ունեցած ԱԺ նիստի ժամանակ բարձրաձայնեց ՏԿԶ նախարար Սուրեն Պապիկյանը՝ ասելով, որ կառավարությունը նախատեսում է խոշոր համայնքներում ՏԻՄ ընտրություններն անցկացնել համամասնական ընտրակարգով:

Մասնագետներն արդեն իսկ մտահոգություն են հայտնում, որ սա իր մեջ լուրջ ռիսկեր է պարունակում, քանի որ դեռևս վերջնականորեն արդարացված չէ, թե, օրինակ, Գյումրիում կամ Վանաձորում այդ ընտրակարգն ինչ դրական արդյունք է տվել, կամ ինչքանով է բարձրացրել համայնքի ու ընդհանրապես քաղաքացու դերը, երբ իր համայնքը ղեկավարելու համար ընտրում է ոչ թե կառավարչի՝ մենեջերի, այլ քաղաքական մարմնի:
Մյուս կողմից, սրանով ստիպում ենք, որ ՏԻՄ մարմինների ղեկավարներն անպայման կուսակցական լինեն կամ որևէ կուսակցության կցորդ, որպեսզի կարողանան առաջադրվել»:

Մանրամասները` թերթի այսօրվա համարում