Ծավ գյուղի հրդեհաշիջմանը նաև 26 զինծառայող է մասնակցում

Օգոստոսի 26-ին, ժամը 10:05-ին «911» ծառայությանն ահազանգ է ստացվել, որ Սյունիքի մարզի Ծավ գյուղի սկզբնամասում այրվում է խոտածածկ տարածք:

Դեպքի վայրում հրդեհաշիջման աշխատանքներին ներգրավվել են ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և օպերատիվ խումբ:

Հրդեհաշիջման աշխատանքներին մասնակցում են թիվ N զորամասի 55 զինծառայող, «Հայանտառ» ՊՈԱԿ-ի Կապանի մասնաճյուղի 25 և «Զանգեզուր կենսոլորտային համալիր» ՊՈԱԿ-ի 37 աշխատակից:

Կանխվել է հրդեհի տարածման վտանգը:

Հրդեհը մեկուսացվել է ժամը 20:40-ին. սահմանվել է հերթապահություն:

Օգոստոսի 27-ին, ժամը 06:30-ից Ծավ գյուղի սկզբնամասում բռնկված հրդեհի հրդեհաշիջման աշխատանքները վերսկսվել են:

Աշխատանքներին մասնակցում են 45 փրկարար, 5 լեռնափրկարար և թիվ N զորամասի 26 զինծառայող:

Դեպքի վերաբերյալ կտրվի լրացուցիչ տեղեկություն: