«Փաստ». Առանձին հանդիպում չի նախատեսվում նաև Իրանի նախագահի հետ

«Փաստ» թերթը գրում է.

«Սեպտեմբերի 30-ից հոկտեմբերի 1-ը Երեւանում տեղի կունենա ԵՏՄ հերթական գագաթաժողովը, որին, նախնական տեղեկությունների համաձայն, անդամ երկրների ղեկավարներից բացի կմասնակցեն նաեւ Իրանի նախագահն ու Սինգապուրի վարչապետը։

Ի դեպ, դեռեւս պաշտոնական մակարդակով հստակեցված չէ՝ տեղի կունենա՞ ՀՀ վարչապետ Նիկոլ Փաշինյանի եւ ՌԴ նախագահ Վլադիմիր Պուտինի առանձին հանդիպում, թե՞ ոչ։

Ավելին, մամուլում լուրեր շրջանառվեցին, որ Պուտինը Երեւանում կմնա ընդամենը 1-2 ժամ: Գագաթաժողովին մնացել է ընդամենը 4 օր, իսկ անորոշությունները դեռեւս շատ են:

«Փաստ» թերթը դիմել է Հայաստանում ՌԴ դեսպանատուն՝ ճշտելու շրջանառվող տեղեկություններն ու Վլադիմիր Պուտինի այցի գրաֆիկը:

Դեսպանատնից մեր թղթակցին պատասխանել են, որ «այս պահին որեւէ բան ասել չենք կարող»:

Թերթը կառավարական շրջանակներին մոտ կանգնած աղբյուրից տեղեկացել է նաեւ, որ առանձին հանդիպում չի նախատեսվում նաեւ Իրանի նախագահ Հասան Ռուհանիի հետ։

Այս տեղեկության իսկությունը, ինչպես նաեւ ԻԻՀ նախագահի այցի հետ կապված դետալները ճշտելու համար էլ դիմել ենք Հայաստանում այդ երկրի դեսպանատուն, որտեղից ստացել ենք հետեւյալ պատասխանը.

«Մեծ հավանականությամբ ներկա կգտնվի, իսկ հանդիպումների մասով դեռեւս ոչինչ ասել չենք կարող»:

Մանրամասները՝ թերթի այսօրվա համարում