Ինձ հնարավոր չէ ճնշել․ Ալվինա Գյուլումյանը չի պատրաստվում վաղաժամ թոշակի գնալ (տեսանյութ)
ՍԴ դատավոր Ալվինա Գյուլումյանը համաձայն չէ այն տեսակետին, որ հանրությունը չի վստահում ՍԴ-ի անաչառությանը:
«Չեմ կարծում, որ տասը հոգին եկան, կանգնեցին դատարանի առաջ, դրանք հասարակությունն են»,- ասաց ՍԴ դատավորը՝ լրագրողների հետ ճեպազրույցում։
Նա չի կարծում նաև, որ ՍԴ-ի նկատմամբ կարող են ճնշումներ լինել, համենայնդեպս, ըստ Գյուլումյանի, ճնշում են նրանց, ով որ ճնշվում է. «Եթե դու ճնշվող դատավոր չես, ինչ կուզեն, թող կողքից խոսեն, միևնույնն է՝ չես ճնշվի։ Ես կոնկրետ իմ անունից կարող եմ ասել՝ ինձ հնարավոր չի ճնշել, շեղել ճիշտ ուղուց»,-հայտարարեց ՍԴ դատավորը։
Ինչ վերաբերում է ՍԴ դատավորին վաղաժամ կենսաթոշակային տարիքի անցնելու իշխանության առաջարկությանը, ապա Ալվինա Գյուլումյանը մարտական է տրամադրված՝ վաղաժամ թոշակի գնալ չի պատրաստվում։
Նա նաև վստահեցնում է, որ ոչինչ իրեն չի կարող կաշկանդել գործ քննելու և դրանցով անաչառ որոշում կայացնելու ընթացքում։
