Երվանդ Քոչար 2/2 հասցեում ծառ է տապալվել. բնակիչներն ահազանգում են, իսկ ՀՈԱԿ-ի համար ոչ աշխատանքային օր է (ֆոտո, վիդեո)
Երևան քաղաքի Երվանդ Քոչարի 2/2 հասցեի Մանկական N1 աշխարհ խանութի դիմաց հաստաբուն ծառ են կտրել:
Այդ մասին Newspress.am-ի խմբագրություն են ահազանգել թաղամասի մտահոգված քաղաքացիները, ովքեր խնդրում էին բարձրաձայնել հարցը։
Բնակիչները մեր հետ զրույցում նկատեցին, որ կարծում են, թե ծառերը հատվել են ինչ-որ բիզնես֊նպատակներով, սակայն վրդովված են շատ, որ իրենց կարծիքը հաշվի չի առնվել և հատվել են առողջ ու պիտանի ծառեր։
Քաղաքացիները նաև հայտնեցին, որ տարածքում «ՋԻՊ»֊երով մարդիկ են հայտնվել...
Բնակիչները մեր հետ զրույցում նկատեցին, որ կարծում են, թե ծառերը հատվել են ինչ-որ բիզնես֊նպատակներով, սակայն վրդովված են շատ, որ իրենց կարծիքը հաշվի չի առնվել և հատվել են առողջ ու պիտանի ծառեր։
Մենք փորձեցինք ճշտել քաղաքապետարանից, թե կոնկրետ ովքեր և ինչու են հատել ծառերը:
Երևանի քաղաքապետի մամուլի խոսնակ Հակոբ Կարապետյանը մեզ հետ զրույցում նկատեց, որ տեղյակ չէ կատարվածի մասին` կճշտի, կասի: Քիչ անց, նա տեղեկացրեց. «Չեն կտրել, արմատները փտած են, տապալվել է»։
Հակոբ Կարապետյանը ավելին հայտնել չկարողացավ ու հորդորեց կապ հաստատել «Կանաչապատում և շրջակա միջավայրի պահպանություն» ՀՈԱԿ-ի մամուլի պատասխանատու Արաքս Թադևոսյանի հետ։
Ու չնայած որ կան հարցեր, որոնց պատասխանները անհրաժեշտ է ստանալ, բայց, ինչպես պարզվում է, կան նաև ոչ աշխատանքային օրեր, ոնց ժամանակ այդ հարցեի պատասխանները ստանալու համար պետք է սպասել աշխատանքային օրվան։
Իսկ մինչ այդ` բնակիչները իրենց եզրակացություններն են անում. նրանք կասկածներ ունեն, որ ծառերի արմատները չորացել են` դրանք առանց մեծ աղմուկի և պատճառաբանված հեռացնելու համար: