Ադրբեջանցիները հայերին առևանգում են ճանապարհից, իսկ սահմանին լայնածավալ շինաշխատանքներ են իրականացնում. որևէ մեկը պատկերացում ունի՞, թե ինչ են կառուցում. Աննա Գրիգորյան (տեսանյութ)

Պարոն Ռուբինյանն ասում է օրակարգի շուրջ հարցեր հնչեցրեք: Այս մասին ԱԺ ամբիոնից իր ելույթի ժամանակ ասաց «Հայաստան» խմբակցության պատգամավոր Աննա Գրիգորյանը՝ անդրադառնալով ԱԺ փոխոսնակ, «Իմ քայլը» խմբակցության ներկայացուցիչ Ռուբեն Ռուբինյանի դիտողությանը:

Աննա Գրիգորյանն ընդգծեց, որ չի կարծում, թե սահմանային առկա խնդիրների փուլում երկրի համար այս պահին առաջանայինը, օրինակ, հարկային օրենսգրքի փոփոխություններն են: Նա մշեց, որ ԱԺ վերջին նիստից հետո իրավիճակը Սյունիքում ոչ միայն դրական փոփոխություն չի կրել, այլև ավելի է վատացել:

«Այսօր ադրբեջանցիները լայնածավալ շինարարական աշխատանքներ են իրականացնում, ի՞նչ են կառուցում այնտեղ, ինչ որևէ մեկը պատկերացում ունի՞, թե ինչ են կառուցում, կամ ինչ խնդիրներ կարող են այդ աշխատանքները ստեղծել մեր հայրենակիցների համար»,-իր հարցն ուղղեց նա իշխող խմբակցությանը:

Աննա Գրիգորյանը նաև նկատեց, որ նախորդ նստաշրջանի ժամանակ, երբ բարձրացրեց մաքսակետերի հարցը, այն ոչ թե միայն չլուծվեց, այլև մեր հայրենակիցներին սկսկեցին առևանգել: 

Պատգամավորը խնդրով դիմել է բոլոր գերատեսչություններին, և բոլորը մեկ մարդու նման, նրան պատասխանել են, թե իրենց լիազորություններից դուրս է: Այժմ Աննա Գրիգորյանը հարց է բարձրացնում, թե ով է ի վերջո պատասխանատու այս խնդրով:

Նրա բարձրացրած խնդիրներին արձագանքելով՝ Ռուբեն Ռուբինյանը նկատեց, որ ունենա այն օրակարգը, որը ունեն, և քննարկումներն ու հարցերը պետք է լինեն այդ օրակարգի շրջանակում:

Մանրամասները՝ տեսանյութում.