Գուտերեշը Երևանի և Բաքվի միջև հրադադարի հաստատման հույս է հայտնել
Հուսով եմ՝ հրադադար կհաստատվի։ Այս մասին լրագրողների հետ զրույցում, անդրադառնալով Երևանի և Բաքվի միջև հրադադարի հաստատմանը, ասել է ՄԱԿ գլխավոր քարտուղար Անտոնիո Գուտերեշը։ Փոխանցում է «ՌԻԱ Նովոստին»
Ինչպես արդեն տեղեկացրել էինք, սեպտեմբերի 13-ին՝ ժամը 00:05-ին, ադրբեջանական զինուժի ստորաբաժանումները հրետանային եւ խոշոր տրամաչափի հրաձգային զինատեսակներից սկսել են ինտենսիվ հրետակոծել հայկական դիրքերը Գորիսի, Սոթքի եւ Ջերմուկի ուղղությամբ։ Հակառակորդը կիրառում է նաեւ անօդաչու թռչող սարքեր։ Ադրբեջանական կողմի լայնածավալ սադրանքի արդյունքում սկսված ինտենսիվ փոխհրաձգությունը շարունակվում է։ Հայաստանի Հանրապետության զինված ուժերը համարժեք պատասխան են տալիս։ Այս պահին հայկական կողմն ունի 105 զոհ, կան նաեւ վիրավորներ։