Փաշինյանի կնոջ լրատվամիջոցը խոսել է Հայաստանին միացնելու Ռուսաստանի «ցանկության» մասին․ Gazeta.ru

«Հայկական ժամանակ» թերթը, որի գլխավոր խմբագիրը ՀՀ վարչապետ Նիկոլ Փաշինյանի կին Աննա Հակոբյանն է, հոդված է հրապարակել՝ վկայակոչելով «հավաստի աղբյուրին»՝ այս երկրում Ռուսաստանի շահերի մասին։ Այս մասին գրել է ռուսական Gazeta.ru պարբերականը: 

««Ռուսաստանի ցանկությունները մեր տարածաշրջանում տեղավորվում են նրա գլոբալ ցանկությունների շղթայի մեջ, և Հայաստանն ու Ղարաբաղը նրա ցանկությունների շղթայի օղակն են: Ռուսաստանը Հայաստանից գրեթե նույնն է ուզում, ինչ ուզում է Ուկրաինայից, որպեսզի դառնա Ռուսաստանի և Բելառուսի միութենական պետության կամ Ռուսաստանի մի մասը»,- նշվում է հոդվածում։

Բացի այդ, նյութի հեղինակները կարծում են, որ Մոսկվան, իբր, ցանկանում է անորոշ վիճակում թողնել Լեռնային Ղարաբաղի հարցը, որպեսզի այն օգտագործի որպես ճնշման լծակ ինչպես Հայաստանի, այնպես էլ Ադրբեջանի վրա։ Հրապարակման մեջ նշվում է նաև, որ Ռուսաստանի Դաշնությունը Հայաստանի տարածքով հնարավոր միջանցքի հիմնական շահառուն է, քանի որ Մոսկվան կարող է այն վերցնել իր վերահսկողության տակ։

Ռուսաստանի ղեկավարի մամուլի քարտուղար Դմիտրի Պեսկովն այս հրապարակումն անվանել է «անհեթեթություն»։ Հայաստանի խորհրդարանի նախագահ Ալեն Սիմոնյանը հերքեց հայտնված տեղեկությունը՝ ասելով, որ Ռուսաստանը չի ստիպում Հայաստանին անդամակցել Միութենական պետությանը։ Ավելին, նա թերթի աղբյուրը հավաստի չի համարում.

Ավելի վաղ Փաշինյանի կնոջ լրատվամիջոցը բացահայտել էր Ադրբեջանի հինգ պահանջները Հայաստանին»,- գրում է Gazeta-ն։