Անչափահասների կողմից կատարված հանցագործությունների դեպքերը նվազել են 
Արմեն Դարբինյանի ուլտիմատումը՝ հիմնադիրներին․ «Հրապարակ» 
Ավինյանին քաղաքապետ դարձնելու ծանրաձողը ՔՊ-ն գցել է ոտքերին․ թեթև ապտակ Ավինյանին․ «Իրավունք» 
Ընդդիմադիրներն ակտիվորեն ընդգրկվում են միջազգային․ «Հրապարակ» 
Հրաչյա Սարգսյանի հետ հեռանում են նաև յուրայինները․ «Հրապարակ» Արտակարգ դեպք՝ «Շենգավիթ» բժշկական կենտրոնում. բերման են ենթարկվել 2 հարազատ եղբայրներ
Երեկ՝ հունվարի 26-ին, արտակարգ դեպք է տեղի ունեցել Երևանում։ Ժամը 17։40-ի սահմաններում ՀՀ Ներքին գործերի նախարարության Ոստիկանության Շենգավիթի բաժնում օպերատիվ տեղեկություններ են ստացվել, որ Մանանդյան փողոցում գործող «Շենգավիթ» ԲԿ-ում ծեծկռտուք է տեղի ունենում։
Ինչպես հայտնում է Shamshyan.com-ը, ոստիկանները նշված հասցեից խուլիգանություն կատարելու հիմքով ձերբակալել և Ոստիկանության Շենգավիթի բաժին են ներկայացրել Լոռու մարզի բնակիչներ՝ 30-ամյա Հայկ Դ-ին և 35-ամյա Ավետիք Դ-ին։
Վերջիններս այնուհետև Ոստիկանության Շենգավիթի բաժնից ներկայացվել են Հայաստանի քննչական կոմիտեի Երևան քաղաքի քննչական վարչության Շենգավիթի քննչական բաժին, որտեղ դեպքի փաստով նախաձեռնվել է վարույթ։
Կայքի տեղեկություններով՝ Ոստիկանություն ահազանգը ստացվել է «Շենգավիթ» ԲԿ-ի ծառայություն իրականացնող անվտանգության պետ Արա Ա-ի կողմից, ով հայտնել է, որ մի խումբ անձինք վիճաբանել և քաշքշել են նշված ԲԿ-ի աշխատակիցներին, ինչի հետևանքով խաթարվել է կենտրոնի բնականոն աշխատանքը։
Ոստիկանությունն ունի նաև տեղեկություններ, որ Ոստիկանություն տեղափոխվածները հարազատ եղբայրներ են։
