Տրանսպորտային միջոցները կվաճառվեն առանց աճուրդի. նախագիծ 
Հայաստանը մերժե՞լ է Իրանի հետ ռազմական փոխօգնության հուշագրի ստորագրումը 
ՀՅԴ-Ն դե՞մ է Անդրանիկ Թևանյանի առաջադրմանը, ո՞ր կուսակցությամբ նա կառաջադրվի 
Փաշինյանը խաբել է. մաս 168 
Սողացող տնտեսությունը, օրավուր խորացող աղքատությունը՝ իշխանավորների բարգավաճման ֆոնին Ադրբեջանը, կարծես թե, հաստատակամ է ԼՂ հայերին «խեղդելու» հարցում. եթե անհապաղ միջոցներ չձեռնարկվեն, ԼՂ հայերն անհնարին ընտրության առջև կկանգնեն. Կիրակոսյանի ելույթը՝ Հաագայի դատարանում
Մենք թեթև սրտով չենք եկել․ հույս ունեինք, որ մեր կողմից արծածված հարցերը վաղուց պետք է լուծված լինեին ՄԱԿ-ի անվտանգության խորհրդի միջամտությամբ։ Այս մասին Հաագայի դատարանում իր ելույթի ժամանակ ասաց Հայաստանի ներկայացուցիչ Եղիշե Կիրակոսյանը։
«Բայց Ադրբեջանը կարծես հաստատակամ է Լեռնային Ղարաբաղում հայերին խեղդամահ անելու առումով։ Մեկ հոգի արդեն մահացել է՝ բուժօգնության բացակայության պատճառով»,- ասաց Հայաստանի ներկայացուցիչը՝ հավելելով, որ դեռ բազում մարդիկ ռիսկի տակ են։
Նա նկարագրեց Արցախում տիրող իրավիճակը՝ մանրամասն նշելով, թե մարդիկ ինչ հումանիտար աղետի դիմաց են կանգնած և ինչ խնդիրների են առճակատվում (սնունդ, գազանջատումներ, հովհարային անջատումներ, կրթության խնդիր, գործազրկություն, ընտանիքների բաժանում և այլն)։
«Այս հումանիտար ճգնաժամի առաջացումն Ադրբեջանը փորձում է բացատրել բնապահպանական ինչ-որ հորինված ակցիաներով, որին ոչ ոք, իհարկե, չի հավատում»,-ասաց Կիրաիկոսյանը՝ ընդգծելով, որ Ադրբեջանն այդ անում է անկախ դիտորդների, միջազգային հանրության ու կազմակերպությունների աչքի առաջ։
Հայաստանի ներկայացուցիչը նկատեց, որ մեկ ամիս առաջ Ստրասբուրգի դատարանը Արդբեջանին կոչ արեց ապահովել ծանր հիվանդների շարժը ճանապարհով, ինչպես նաև շրջափակման մեջ մնացած այն մարդկանց տեղաշարժը, որոնց տեղափոխումն անհրաժեշտություն է, սակայն Ադրբեջանն անտեսեց նաև այս կոչը։
Եղիշե Կիրակոսյանը նկատեց, որ իր ելույթն այդ դահլիճում օգտագործում է որպես վերջին միջոց։
«Եթե ՄԱԿ Արդարադատության միջազգային դատարանն անհապաղ միջոցներ չձեռնարկի, ապա ԼՂ հայերն անհնարին ընտրության առաջ կգնան՝ թողնել հայրենական տները կամ մնալ ու սովամահ լինել։ Ալիևը բացահայտորեն պահանջել է, որ ԼՂ հայերը մեկնեն, ինչպես նաև ասել է, որ հիմնական պարտքը հայերին վտարելն է։ Նա ասել է, որ ոչ մի երգ չի երգվելու հայերենով ու միայն ադրբեջաներենն է իշխելու այս հողում։ Ալիևն ասել է նաև, որ ոչ ոք չի կանգնեցնի ճանապարհին այն հայերին, ովքեր ուզում են դուրս գալ Արցախից»,- ասաց նա՝ հավելելով, որ Արցախը հայաթափելու Ալիևի նկրտումներին են ուղղված նաև պարբերաբար գազանջատումները։
