Թալանում և վերաբաշխում են պետության ունեցվածքը
Վարկով հեռուստացույց գնող, նախարար դառնալուց հետո 280 հազար դոլարանոց տուն, 40 հազար դրամ հայտարարագրած, բայց նախարար դառնալուց հետո 115 միլիոն դրամանոց տուն գնողների վրայից հասարակության ուշադրությունը շեղելու համար իշխանությունը շարունակում է կիրառել փորձված մեթոդը՝ որս յուրային մանր կալիբրի գործիչների ուղղությամբ։
«Քաղաքացիական պայմանագիր» կուսակցության թիրախում են հայտնվել մանր-մունր չինովնիկներ: Նրանց նկատմամբ հարուցված քրեական գործերը նպատակ ունեն այս կուսակցության ընտրազանգվածին ցույց տալ, թե Փաշինյանը նախկինների կոռուպցիայի նկատմամբ անհանդուրժող է այնքան, որքան յուրայինների։
Հակակոռուպցիոն կոմիտեի տարածած վերջին հաղորդագրությունը պետք է հենց այս ամենի շրջանակում հասկանալ, որովհետև չարաշահումների գործով հենց այս փուլում ձերբակալությունները ամենևին էլ արդարադատության հաստատման համար չեն։
Իսկ ի՞նչ են հայտնում Հակակոռուպցիոն կոմիտեից. տեղեկացնում են, որ ձերբակալվել են Երևանի քաղաքապետարանի աշխատակազմի նախկին ղեկավար Սեյրան Մեջլումյանը, որը 2 օր առաջ էր աշխատանքից ազատման դիմում գրել և Ճարտարապետության և քաղաքաշինության վարչության պետի ԺՊ Դավիթ Դալլաքյանը։
Չի բացառվում, որ հաջորդ ձերբակալվողը լինի Երևանի քաղաքապետի պաշտոնից վարչապետի համար անակնկալ կերպով հեռացած Հրաչյա Սարգսյանը, որովհետև Մեջլումյանը և Դալլաքյանը Հրաչյա Սարգսյանի կադրերն են։
Ամենևին պատահական չէ, որ Հրաչյա Սարգսյանի թիմակիցների ձերբակալության վերաբերյալ մեկնաբանություն է արել Երևանի քաղաքապետի հավակնորդ Տիգրան Ավինյանը։
«Չցանկանալով խախտել անմեղության կանխավարկածը՝ քննությունից ակնկալում եմ լրիվ և բազմակողմանի բացահայտում. սա է պահանջում Երևանի և երևանցու շահը: Միևնույն ժամանակ սթափության կոչ եմ անում քաղաքապետարանի և համայնքային կազմակերպությունների անխտիր բոլոր աշխատակիցներին՝ հորդորելով իրենց ջանքերը ծառայեցնել բացառապես մայրաքաղաքին»,- գրել է նա։
Իսկ ինչո՞ւ Տիգրան Ավինյանը նման մի գրառում էլ չարեց այն ժամանակ, երբ Նիկոլ Փաշինյանի աներձագը դարձավ Ձորաղբյուրում թանկարժեք առանձնատան սեփականատեր, կամ ինչո՞ւ մոռացավ երևանցու շահի մասին, երբ իրենց կուսակցական օլիգարխ Խաչատուր Սուքիասյանի ընտանիքի անդամների բիզնեսներից պետական համակարգը սկսեց ահռելի ծավալների մեկ անձից գնումներ կատարել, կամ ինչո՞ւ քաղաքացու վճարած ամեն մի դրամի մասին չխոսեց այն ժամանակ, երբ նույն Խաչատուր Սուքիասյանի ընտանիքի բիզնեսներից մեկը 5.2 միլիարդ դրամի բենզինի գնման պայմանագիր կնքեց Պաշտպանության նախարարության հետ։
Այս ինչուներն ունեն մեկ շատ պարզ պատասխան. Տիգրան Ավինյանին և Նիկոլ Փաշինյանին պետք է ոչ թե պայքարել կոռուպցիայի դեմ, այլ այդ կոռուպցիան որքան հնարավոր է բարձրացնել դեպի իշխանական բուրգի գագաթին նստածների մոտ և զբաղվել սեփականության բաշխմամբ՝ միայն բուրգի վերևում։
Հենց այս ճանապարհին է, որ պետք է «զոհ» գնան մանր չինովնիկները՝ հընթացս ապահովելով իշխանության՝ ավելի անարգել ընթացքը դեպի պետության ունեցվածքի թալան։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
