Սաակաշվիլին Արևմուտքին կոչ է արել պատրաստվել Ռուսաստանի փլուզմանը
Բանտարկված Վրաստանի նախկին նախագահ Միխեիլ Սաակաշվիլին Agence France-Presse-ին իր փաստաբանի միջոցով ուղարկած նամակում ասել է, որ Արևմուտքը պետք է պատրաստվի Ռուսաստանի փլուզմանը։
Նրա խոսքով՝ Ուկրաինայի անխուսափելի հաղթանակն ամբողջությամբ կփոխի իրավիճակը Վրաստանում եւ տարածաշրջանում։
«Ուկրաինան հավերժ գերտերություն է դարձել տարածաշրջանում։ Լեհաստանի հետ նա որոշում է ամեն ինչ տարածաշրջանում, այդ թվում՝ այն, ինչ տեղի է ունենում Վրաստանում։ Արևմուտքը պետք է գիտակցի, որ Ռուսաստանը կփլուզվի և պետք է պատրաստվի դրան»,- ասել է Սաակաշվիլին։