«Էս հայվանը, էս հարիֆը իրականում հայվան չի, հարիֆ չի, անհայրենիք ա ու եկել ա մեր հայրենիքը տա թշնամուն»․ ակցիա՝ կառավարության դիմաց
Մենք այստեղ ուզում ենք ցույց տալ, որ այս մարդիկ 100 օր է՝ լուռ են, որ ձեռքերը լվացել են Արցախից, ինչքան էլ ուզում է ներկայացնեն, որ Արցախի անվտանգությունը պատկանում է այլ երկրի, այս մարդիկ՝ որպես իշխանություն, պատասխանատու են մեր 120․000 հայրենակիցների համար։ Այս մասին կառավարության շենքի դիմաց Արցախի շրջափակման 100 օրվա կապակցությամբ տեղի ունեցած բողոքի ակցիայի ժամանակ ասաց ՀՅԴ-ական երիտասարդներից մեկը։
«Ի՞նչ են անում այս մարդիկ․ այս մարդիկ բոլորին մեղադրում են, բացի իրենցից՝ մեկ մեղավոր են նախկինները, մեկ՝ փլուզվող աշխարհը և այդ փլուզվող աշխարհում Հայաստանը մենակ պետք է հանձնի ու ծնկի գա թշնամու առաջ։ Վերջերս էլ Նիկոլ Փաշինյանն ասաց, որ կա 5-րդ շարասյուն և այդ 5-րդ շարասյան պատճառով է, որ այսօր այս վիճակում ենք։ Եթե ունենայինք նորմալ իշխանություն, ապա իշխանությոննները 5-րդ շարասյան մասին, եթե այդպիսիիք կան, կհայտարարեին բռնելուց հետո։ Սա փաստում է, որ կա՛մ այդպիսի բան չկա, կա՛մ այս մարդիկ անզոր են, կա՛մ էլ քաղաքական շահարկման թեմա են տալիս։ Նիկոլ Փաշինյանի դեմ չոքած ՔՊ-ականները և իրենց պատգամավորներն ուղղակի սարքել են քաղաքական թեմա։ Եթե կա 5-րդ շարասյուն, ապա այն նստած է այստեղ, և սա վիրավորանք չէ»,- ասաց երիատասարդը։
Նրա խոսքով՝ Նիկոլ Փաշինյանի անցած կյանքը՝ թե մինչև 2018թ․, թե՛ 2018-ից հետո իր վարած քաղաքականությունը չի բխում հայ ժողովրդի շահերից։
«Այդ ինչպե՞ս է ստացվում, որ Նիկոլ Փաշինյանը մի քանի ամիս առաջ Արցախի հարցի լուծման բանաձև է առաջարկում և այսօր այդ նույն բանաձևը ՀՀ-ին ուզում է պարտադրել Ալիևը։ Խնդրում եմ, թող Դատախազությունն ուշադրություն դարձի այդ հանգամանքին։ Ինչպե՞ս է ստացվում, որ դուք խոսում եք խաղաղությունից, խոսում եք մի բանաձևից, որի արդյունքում Հայաստանը կստանա խաղաղություն, բայց Ադրբեջանն ասում է, որ այդ բանաձևը ձեզ պետք է պարտադրեմ։ Սա խաղաղություն չի, սա գնալ և չոքել է թշնամու առաջ, սա թշնամու օրակարգ է, սա թշնամու օրակարգը մեր երկիր մտցնել է»,- ընդգծեց ՀՅԴ-ական երիտասարդը։
Նա դիմեց նաև ոստիկաններին և լրագրողներին և հայտարարեց, որ եթե Նիկոլ Փաշինյանը մնաց Հայաստանի վարչապետ, ապա Հայաստանի Հանրապետություն չի լինելու։
«Այդ ժամանակ նույնպես քարոզչական թեզերով նախկիններին կմեղադրեն, 5-րդ շարասյանը կմեղադրեն, գեոպոլիտիկա կբերեն մեջտեղ ու կասեն, որ դրա արդյունքում եղավ, էս հայվանը, էս հարիֆը ի՞նչ մեղք ուներ։ Բայց չէ, էս հայվանը, էս հարիֆը իրականում հայվան չի, հարիֆ չի, անհայրենիք ա ու եկել ա մեր հայրենիքը տա թշնամուն»,- նշեց ակտիվիստը։