ՄԻՊ աշխատակազմը մասնակցել է թիմակառուցման վերաբերյալ աշխատաժողովին․ այն ֆինանսավորվում է ԵՄ-ի կողմիցՍյունիքի կայազորում անցած տարում գրանցվել է 115 զինվորական հանցագործություն19 պատահար` 7 օրում․ «Երևան ավտոբուս» ՓԲԸ-ից թվեր են ներկայացրել
Վանաձորի բանտում դատապարտյալը նախ կարել է շուրթերը, ապա գնդասեղով միացրել իրար
Արմեն Աշոտյանին թույլ են տվել ԶԼՄ-ների հետ հանդիպել, բայց նրա հասանելիք տեսակցությունների քանակի հաշվին․ պարզաբանում
Հայաստանում մեկ շաբաթում 19 անձ վարակվել է կարմրուկով«Ֆետա» բառը «պանիր» ապրանքատեսակի համար Հայաստանում ենթակա է պահպանման որպես ծագման տեղանուն. ՄՊՀԿոնդ թաղամասն ամբողջ ծավալով գնալու է օտարման. Տիգրան ԱվինյանՄեծ խառնաշփոթի փուլ. Վահե ՀովհաննիսյանԽաղաղության համաձայնագրի շուրջ քննարկումները կվերսկսվեն. մոտ օրերս հանդիպում կլինի. ԲայրամովԱննա Վարդապետյանն այցելել է Սյունիք, խորհրդակցություն անցկացրել Դատախազության՝ Կապան քաղաքի նստավայրումՆոր նշանակում՝ Քննչական կոմիտեում Ընդունելություն՝ Հայաստանին փառք ու պատիվ բերած մեր մարզիկների պատվին (տեսանյութ)ՊՆ-ում ատեստավորման համակարգի հետևանքով կոպտորեն խախտվում են կին զինծառայողների իրավունքներըԱյս նկարի ողբերգության համար պատասխանատու են շատերը․ Սարհատ ՊետրոսյանՈստիկանները դպրոցներում աշակերտներին «շմոն» են անում, թմրանյութ փնտրում. oragir.newsԽոջալուի կեղծիքը նույնիսկ Ադրբեջանում էր բացահայտվել, սակայն ՀՀ իշխանության պատճառով շարունակում է «եփվել». Աբրահամյան16-ամյա պատանին դանակով խփել էր համադասարանցու կրծքավանդակինՆորայր Շողիկյանը նշանակվել է Արդարադատության նախարարի մամուլի քարտուղար ԱՄՆ-ը դատապարտում է Բելառուսում կեղծ ընտրությունները. ՊետքարտուղարությունՄերկասառույց ու խցանումներ՝ Կապան-Գորիս ճանապարհին․ փրկարարները քարշակել են ավելի քան 20 ավտոմեքենաՆԳՆ-ն պարզաբանում է տարածել 00oo000 համարանիշի գնի վերաբերյալԱրարատ Միրզոյանը մեկնում է ԺնևՓաշինյանն ասել է, թե Սյունիքում քանի միլիոն դոլարի աշխատանքներ է իրականացրել` 2018–ից ի վեր (տեսանյութ)Օդի ջերմաստիճանը կնվազի 4-5 աստիճանով00ՕՕ000 պետհամարանիշը վաճառվեց 121 միլիոն դրամով (300,000 դոլարով)Լուկաշենկոն` Հայաստանի ՀԱՊԿ-ից դուրս գալու մասինՏաշիր քաղաքում հրդեհ է բռնկվել անասնագոմում․ փրկարարները դուրս են բերել 100 խոշոր եղջերավոր անասունԱրտաշատում էլեկտրական շչակ է փորձարկվելուԱյսօր հետևյալ հասցեներում լույս չի լինի
Դեռևս չպարզված հանգամանքներում մահացել է զինծառայող Ավագ Դանիելի Զաքարյանը
Թունիսի նախկին նախագահը հեռակա 8 տարվա ազատազրկման է դատապարտվել Սա Հայաստանի կողմից հերթական հակառուսական ցուցադրական գործողությունն է. Ավետիք Իշխանյան Գեղարքունիքում ադրբեջանական այսօրվա կրակոցներն ուղիղ գծով 2,16 կմ Հայաստանի խորք ներխուժած վայրից է Հազարավոր մարդիկ այսօր հավաքվել են՝ ի զորակցություն Եկեղեցու․ Մայր Աթոռի անդրադարձը Արտակարգ դեպք՝ Երևանում. հրդեհ է բռնկվել բնակչի տան խորդանոցումՄարիա Զախարովան ծաղրել է Գերմանիայի ԱԳ նախարարին, նրան «անկիրթ» անվանել «Արդարադատության նախարարությունն ամեն կերպ խոչընդոտում է իմ հանդիպումները ԶԼՄ-ների հետ». Աշոտյան Քիշնևում վանդալները վնասել են Հայրենական մեծ պատերազմի հերոսի գերեզմանը Կարեն Խաչանովը՝ Դոհայի մրցաշարի հաղթող Որքան ուշացնում ենք Նիկոլին հեռացնելը, այնքան շատանում են մեր կորուստները․ Արմեն Աշոտյան «Բարի գալուստ ՀՅԴ մեծ ընտանիք»․ Իշխան Սաղաթելյանը՝ երիտասարդներին Ռուսաստանը ևս մեկ բնակավայր է գրավել Ավդեևկայի հարևանությամբ Լիվերպուլը 11-մետրանոցներ է մարզում նյարդաբանների օգնությամբ Ամբողջ աշխարհին էլ հասկանալի է՝ լավագույն ինքնաձիգը «Կալաշնիկովն» է․ Շոյգու Նոր մանրամասներ՝ Իրան-Ռուսաստան ռազմավարական համաձայնագրի մասին Մակրոնը չի մասնակցելու G7-ի գագաթնաժողովին Մարմնամարզության աշխարհի գավաթ․ Վահագն Դավթյանը՝ օղակների բրոնզե մեդալակիր Կրակոցներ և դանակահարություն՝ Երևանի էլիտար շենքի բակում Ալեքսեյ Նավալնիի մարմինը հանձնել են մորը
Քաղաքականություն

Ադրբեջանը ծրագրում է գրավել Հայաստանը «Արևմտյան Ադրբեջան» ստեղծելու համար

Մինչ հայերը գործ ունեն Արցախի բռնազավթման հետ և փորձում են դիմակայել դրա ողբերգական հետևանքներին, Ադրբեջանը մեծացնում է իր պահանջները՝ սկսելով քարոզարշավ՝ պնդելով, որ Հայաստանի Հանրապետության ողջ տարածքը իբր «Արևմտյան Ադրբեջան» է: Այս մասին գրում է կալիֆորնիական thecaliforniacourier.com կայքէջը։

Աշխարհում ոչ մի խելամիտ մարդ լուրջ չի ընդունի նման աղաղակող սուտը, պարզապես այն պատճառով, որ Ադրբեջանը հիմնադրվել է մեկ դարից քիչ առաջ, մինչդեռ Հայաստանը գոյություն ունի հազարավոր տարիներ։ Նույնիսկ Կոկա Կոլան ավելի հին է, քան Ադրբեջանը.

Նախագահի օրհնությամբ «Արևմտյան Ադրբեջանի կոմիտե» ստեղծելուց հետո, Ալիևը, Ադրբեջանը համաշխարհային արշավ է սկսել՝ իր ծիծաղելի սխեման ամբողջ աշխարհում և ՄԱԿ-ում տարածելու համար: Այն հայերը, ովքեր մտահոգված են Հայաստանի Սյունիքի մարզի կամ, այսպես կոչված, Զանգեզուրի միջանցքի շուրջ Ադրբեջանի էքսպանսիոնիստական ծրագրերով, պետք է ավելի շատ անհանգստանան Արցախը բռնազավթելուց հետո ամբողջ Հայաստանի Հանրապետությունը գրավելու Ադրբեջանի հսկայական ախորժակով։

Ահա չորս գործողությունները, որոնք Ադրբեջանը ձեռնարկել է ՄԱԿ-ում վերջին ամիսներին.

1) ՄԱԿ-ում Ադրբեջանի դեսպան Յաշար Ալիևը Գլխավոր ասամբլեայի և Անվտանգության խորհրդի բոլոր անդամներին 2023 թվականի հունվարի 17-ին տարածեց «Արևմտյան Ադրբեջանի կոմիտեի» նամակը, որում ասվում էր, որ «Ներկայիս Հայաստանի տարածքից վտարված բոլոր ադրբեջանցիները և նրանց սերունդները. իրավունք ունեն վերադառնալու իրենց հայրենիք»։

2) 2023 թվականի փետրվարի 22-ին Ադրբեջանի կողմից ՄԱԿ-ին ներկայացվել է երկրորդ նամակը, որում հայերին մեղադրում են «բռնության, ցեղասպանության, մարդկության դեմ ջարդերի և այլ հանցագործությունների և մարդու իրավունքների կոպիտ ոտնահարման մեջ։ Այս գործընթացը հատկապես կատաղի և դաժան էր 1905–1906, 1918–1921, 1948–1953 և 1987–1991 թվականներին»։ Նամակում նշվում է, որ «ներկայիս Հայաստանում ադրբեջանական պատմամշակութային ժառանգությունը, ներառյալ մզկիթներն ու գերեզմանները, զանգվածաբար ոչնչացվել են, տեղանունները փոխվել են և ադրբեջանցիների նկատմամբ սիստեմատիկ ռասայական խտրականություն է իրականացվել»։

Ավելին, Ադրբեջանը ՄԱԿ-ից պահանջել է Հայաստանում ադրբեջանցիների բնակեցման համար ձեռնարկել հետևյալ քայլերը.

«– ձեռք բերել իրավաբանորեն պարտավորեցնող միջազգային համաձայնագիր՝ համապատասխան ստուգման և երաշխիքային մեխանիզմներով, որն ապահովում է ներկայիս Հայաստանի տարածքից վտարված ադրբեջանցիների անվտանգ և արժանապատիվ կամավոր վերադարձը իրենց հայրենիք.


- Վերադարձի գործընթացի ապահովում անվտանգության, մարդասիրական և սոցիալ-տնտեսական աջակցության համապատասխան ծրագրերով.

- Միջազգային մոնիտորինգի, հաշվետվողականության, անվտանգության, միջամտության և այլ անհրաժեշտ միջոցառումների իրականացում` արտաքսման, խտրականության և վերադարձված բնակչությանը վնասելու կրկնությունը կանխելու համար.

- Վերադարձողների կայուն վերականգնման և վերաինտեգրման ապահովում միջազգային հսկողության ներքո վերակառուցման և հաշտեցման միջոցառումների իրականացման միջոցով»:

ՄԱԿ-ում Ադրբեջանի դեսպանը Հայաստան վերադարձած ադրբեջանցիներից պահանջել է «անարգել հաղորդակցություն ունենալ Ադրբեջանի Հանրապետության հետ»։ Սա շատ տագնապալի առաջարկ է, ինչը նշանակում է, որ Ադրբեջանի Հանրապետությունը ցանկանում է իր վերահսկողության տակ ունենալ ճանապարհ Հայաստանի տարածքում։ Նամակում հավելվում է, որ Հայաստան վերադարձող ադրբեջանցիներին ոչ թե պետք է ցրել ողջ երկրով մեկ, այլ միասին պահել որպես խումբ և ապահովել նրանց անվտանգությունն ու իրավունքները։ Առավել տագնապալի է պահանջը, որ ադրբեջանցիները կարողանան «օգտագործել ադրբեջաներեն լեզուն [Հայաստանի] կառավարության օրենսդիր, գործադիր և դատական մարմիններում»: Ադրբեջանն ավելացրեց հետևյալ զավեշտալի պահանջը. «Ադրբեջանցիներն իրավունք ունեն ձևավորել տեղական անվտանգության ուժեր և համապատասխան դեր ստանձնել դատարաններում»։ Սա իրականում նշանակում է, որ Հայաստանն Ադրբեջանին կցորդ է լինելու, քան ինքնիշխան հանրապետություն։

Ավելին, Հայաստան վերադարձող ադրբեջանցիների անվտանգությունն ապահովելու համար Ադրբեջանը «անհրաժեշտ է համարում տեղակայել միջազգային անվտանգության առաքելություն՝ համապատասխան մանդատով և բաղկացած այն երկրների ուժերից, որոնց վստահում են արևմտյան ադրբեջանցիները այն տարածքներում, որտեղ նրանք կվերադառնան»։ Այսինքն՝ Ադրբեջանը ցանկանում է օտարերկրյա զորքեր տեղակայել Հայաստանի տարածքում, ինչը միանգամայն անընդունելի է։ Ադրբեջանը նաև հայտարարել է, որ «Հայաստանի կառավարությունը պետք է ապահովի ադրբեջանցիներին պատկանող գույքի և համայնքային հողերի վերադարձը և փոխհատուցում վճարի գույքի օգտագործումը կանխելու հետևանքով պատճառված գույքային վնասի և կորուստների համար»: Նրանք, ովքեր նման խելագար պահանջներ են ներկայացնում, ապրում են շինծու աշխարհում:

3) «Արևմտյան Ադրբեջանի կոմիտեն» 2023 թվականի ապրիլին նամակ է ուղարկել ՄԱԿ-ի գլխավոր քարտուղար Անտոնիո Գուտերեշին՝ խնդրելով «ՄԱԿ-ի հատուկ առաքելություն ուղարկել Հայաստան՝ այս երկրից վտարված ադրբեջանցիների անվտանգ և արժանապատիվ վերադարձի գործընթաց սկսելու համար»։

4) «Արևմտյան Ադրբեջանի կոմիտեն» 2023 թվականի հոկտեմբերին զեկույց է ներկայացրել ՄԱԿ-ի տնտեսական, սոցիալական և մշակութային իրավունքների կոմիտեին։ Ըստ ադրբեջանական լրատվամիջոցների, ՄԱԿ-ի կոմիտեն «Հայաստանից պահանջել է անդրադառնալ Արևմտյան Ադրբեջանի կոմիտեի բարձրացրած հարցերին»։ Եթե այս պնդման մեջ որևէ ճշմարտություն կա, ապա հուսով եմ, որ ՄԱԿ-ի Հայաստանի ներկայացուցիչը արձագանքել է Ադրբեջանի պնդումներին և բացահայտել ադրբեջանական սուտը։

Սա այն վրիժառու թշնամին է, որի հետ Նիկոլ Փաշինյանը միամտորեն հավատում է, որ կարող է «Խաղաղության պայմանագիր» կնքել։

Այս անհարկի «խաղաղության պայմանագիրն» իրականում կխաթարի Հայաստանի շահերը.

Ադրբեջանն արդեն պահանջում է, որ «Հայաստանից վտարված ադրբեջանցիների» իրավունքները ներառվեն նման պայմանագրում՝ դրանով իսկ հիմք ստեղծելով Ադրբեջանի կողմից ապագա ագրեսիայի և օկուպացիայի համար։

ՄԱԿ-ին ուղղված ադրբեջանական նամակում, ըստ էության, կա այսպիսի տագնապալի դրույթ. «[ադրբեջանական] համայնքը կձգտի Ադրբեջանի և Հայաստանի միջև կնքվելիք խաղաղության պայմանագրում ներառել արևմտյան ադրբեջանցիների հայրենիք վերադարձի համար պայմանների ստեղծումը որպես Հայաստանի պարտավորություն»:

Այս անհեթեթությանը վերջ տալու միակ ճանապարհն այն է, որ Հայաստանը դադարեցնի Ադրբեջանին անվերջ զիջումների գնալու սայթաքուն ճանապարհը և մերժի նրա բոլոր անընդունելի պահանջները։

Թարգմանությունը՝ Արմինե Մկրտումյանի