Մենք օգոստոսին պատրաստվում ենք տրանսպորտի թանկացման դեմ շարժում սկսել. Հայկ Մարության

Մենք օգոստոսին պատրաստվում ենք տրանսպորտի թանկացման դեմ շարժում սկսել: Այս մասին այսօր՝ մայիսի 1-ին Նոր ուժ» կուսակցության հիմնադիր համագումարի շրջանակներում լրագրողների հետ զրույցում նշեց Երեւանի նախկին քաղաքապետ Հայկ Մարությանը:
«2013-ին, երբ տրանսպորտի թանկացման դեմ շարժումը սկսեցինք, դա ստացվեց, որովհետեւ բոլոր երեւանցիները համախմբվեցին այդ գաղափարի շուրջ, անգամ այն իշխանության օրոք, որտեղ շատ դժվար էր մի որոշում չեղարկել, որը իշխանությունը հստակ արել էր: Եթե օգոստոսին երեւանցիները բոլորը միանան, եթե համաձայն լինեն, որ մեկ տոմսը 100 դրամ սկզբունքը խախտելն անընդունելի է, իրենք չեն կարողանա բարձրացնել մոտսի արժեքը: Բայց թե ժողովուրդը հաշտ է այդ որոշման հետ, եթե ասում է՝ նորմալ է, դե հիմա մի քիչ թանկացել է, ինչ անենք, այդ դեպքում ինչ ուզում ես արա՝ ոչինչ չի լինի»,-ասաց Հայկ Մարությանը: