Կամ այս կառավարությունը փոխում է ծրագիրը, կամ հրաժարական է տալիս

Ստեղծվել է մի իրավիճակ, դուք էլ փաստել եք՝ կա խզում, որն արձանագրվել է կառավարության ծրագրի ու նրա գործողության միջև։ ԱԺ մեծամասնությունը, որ դուք եք, ընդունել եք մի ծրագիր, որը կառավարությունը չի իրականացնում: Այդ խզումը պետք է վերացնի, լուծի ՔՊ-ն։Այդ խզումները շատ լուրջ են ու պետք է վերացվեն՝ կամ այս կառավարությունը փոխում է ծրագիրը, նոր ծրագիր է ընդունվում ԱԺ կողմից, դա խորհրդարանական համակարգին բնորոշ գծերից մեկն է, կամ այդ կառավարությունը հրաժարական է տալիս։ Այս մասին այսօր՝ հունիսի 11-ին, Ազգային ժողովում հայտարարել է ընդդիմադիր Արմեն Ռուստամյանը՝ դիմելով իշխող խմբակցության ներկայացուցիչներին։
«Այլ ձև գոյություն չունի։ Ստեղծված իրավիճակը որևէ ուժի համար տանելի չէ, համախմբում է անհրաժեշտ, ինչն առաջարկում ենք։ Դուք մերժում եք դա։ Ի՞նչ եք ասում ըստ էության՝ մենք մեծամասնություն ենք, մանդատ են տվել, ինչ ուզենք, այն էլ կանենք, մենք մի բան ասել ենք, կարող ենք այլ բան անել։ Սա կոչվում է պարզապես ստի փառաբանում։ Դուք ստի ու կեղծիքի փառաբանմամբ եք զբաղված ու դա դարձրել եք պետական քաղաքականության հիմք։ Ձեզ հռչակել եք ժողովրդավարության բաստիոն»,- ասել նա։