Գյումրիում պատշգամբ է փլուզվել. կա տուժած

Այսօր՝ դեկտեմբերի 6-ին, արտակարգ դեպք է տեղի ունեցել Շիրակի մարզում: Ժամը 14:20-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Գյումրի քաղաքի Նժդեհի փողոցի շենքերից մեկի պատշգամբը փլուզվել է և կա տուժած: Այս մասին գրում է Shamshyan.com-ը։

Մինչ փրկարարների և պարեկների ժամանումը՝ դեպքի վայրից 1 հոգի հոսպիտաացվել է Գյումրու բժշկական կենտրոնում:

Պարզվել է, որ նշված փողոցի 10-րդ շենքի 2-րդ հարկի պատշգամբում վերանորոգման աշխատանքներ կատարելիս այն փլուզվել է, ինչի հետևանքով էլ Շիրակի մարզի բնակիչ 36-ամյա Ֆրունզե Հ.-ն տեղափոխվել է հիվանդանոց:

Նա ստացել է կողոսկրի կոտրվածք:

Մանրամասները՝ սկզբնաղբյուր կայքում: