Ծանր տեխնիկա էր աշխատում, սովորական ավտոմատի կրակոցներ չէր. Ազատ գյուղում բնակիչները երկու ժամ շարունակ կրակոցի ձայներ են լսել
Գեղարքունիքի մարզի Ազատ գյուղի հիմնական դպրոցի տնօրեն Վարդան Ներսիսյանը «Փաստինֆո»-ի հետ զրույցում նշել է, որ գյուղում ևս լսելի են եղել ինտենսիվ կիրակոցի ձայներ։ Վստահ է, որ աշխատում էր նաև ծանր տեխնիկա։
«Ժամը 17։00-ի դրությամբ կրակոցների ձաներ լսեցինք։ Մինչև երեկոյան ժամը յոթի դրությամբ կրակոցները կային, բայց բավականին հեռվից էին։ Կարծում եմ ծանր տախնիկա էր աշխատում, սովորական ավտոմատի կրակոցներ չէին»։
Ներսիսյանը վստահեցնում է, որ հիմա իրավիճակը հանգիստ է, ձայներ չեն լսում։
Ազատ գյուղի հիմնական դպրոցում ութ աշակերտ կա, որոնց համար ևս անսովոր է այս իրավիճակը։ Երեխաները բոլորը գյուղում են, ծնողները ևս՝ առօրյա իրենց հոգսերով են զբաղված։
«Բնականաբար վիճակն անսովոր է, բայց բնակիչները սովորում են, տիրապետում վիճակին, որ սա իրենց կողմից սադրանք է, որպեսզի խուճապային մթնոլորտ ստեղծեն, բայց մարդիկ գիտակցաբար են մոտենում։ Խուճապ չկա, սպասում ենք՝ առաջ Աստված, տեսնենք ինչպես կընթանա իրավիճակը»։
Ազատ Գյուղը գտնվում է Գեղարքունիքի մարզի՝ արդեն սահմանային Կութ և Նորաբակ գյուղերին մոտ։
Հիշեցնենք, որ Պաշտպանության նախարարությունը ավելի վաղ հայտնել էր, որ ժամը 17։00-ի սահմաններում Ադրբեջանի զինված ուժերը կրակ են բացել հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ։
Դրան նախորդել են կրակահերթեր հենց իրենց՝ ադրբեջանական մարտական հենակետերում, ինչը կարող է պայմանավորված լինել ադրբեջանցի զինվորականների միջև տեղի ունեցած՝ միջանձնային բնույթ կրող միջադեպով։ Դրա մասին է խոսում նաև փաստը, որ Ադրբեջանի պաշտպանության նախարարությունն իր հաղորդագրության մեջ նշում է, թե հայկական կողմի բացած կրակից հետո ադրբեջանցի զինվորական է զոհվել։ ՀՀ պաշտպանության նախարարությունը հայտարարում է, որ հակազդող գործողությունների չի դիմել մինչեւ այն պահը, երբ Ադրբեջանի զինված ուժերը կրակ են բացել հայ դիրքապահների ուղղությամբ։
Ադրբեջանական կողմի հերթական սադրանքի արդյունքում սկսված ինտենսիվ փոխհրաձգության հետևանքով հրազենային թեթև վիրավորում է ստացել ՀՀ ԶՈՒ 3 զինծառայող։ Նրանցից մեկի վիճակը ծայրահեղ ծանր է։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
