Ռուբեն Հայրապետյանի ծննդյան տարեդարձն է

Այսօր հայ գործարար, Հայաստանի ֆուտբոլի ֆեդերացիայի նախկին նախագահ (2002-2018 թվականներին) Ռուբեն Հայրապետյանի 59–րդ ամյակն է: 

NEWSPRESS.am-ի անձնակազմը` հիմնադիր տնօրեն Արիանա Հովսեփյանի գլխավորությամբ, շնորհավորում է Ռուբեն Հայրապետյանին` ծննդյան տոնի առիթով։ Մաղթում ենք թե' անձնական կյանքում, թե՛ գործնակում ունենաք մեծամեծ հաջողություններ։

Մաղթում ենք ապրեք այնպիսի հայրենիքում, ինչպիսին ժառանգել ենք մեր պապերից ու ինչպիսին ունեինք գոնե մինչև 2018 թվականը, որպեսզի կարողանաք շարունակել ձեր հայրենանվեր գործը, որը արել եք մինչ Արցախյան 44 ֊օրյա պատերազմն ու որի մասին քչերը գիտեն։

Թող իրականան Ձեր բոլոր նպատակները, քանի որ դրանք բխում են միայն մեր երկրի շահերից։

Կենսագրական տվյալներ

Ծնվել է 1963 թ. մարտի 9-ին, Երևանում, 1988 ավարտել է Երևանի ժողովրդական տնտեսության ինստիտուտը տնտեսագետի մասնագիտությամբ։ 1983-1985 թթ. ծառայել է Խորհրդային բանակում, աշխատել է տարբեր ընկերություններում։

2003, 2007 և 2012 թվականներին ընտրվել է ՀՀ Ազգային ժողովի պատգամավոր թիվ 1 ընտրատարածքից։ 2012 թ. հուլիսի 3-ին իր «Հարսնաքար» ռեստորանում տեղի ունեցած հայոց բանակի սպա Վահե Ավետյանի մահվան դեպքից հետո վայր է դրել պատգամավորական մանդատը։ Ամուսնացած է, ունի 3 երեխա։

Աշխատանքային գործունեությունը

• 1980-1982 թթ. Երևանի «Ալմաստ» գործարանում՝ էլեկտրամոնտյոր
• 1985-1988 թթ. Երևանի սննդի թիվ 7 միավորում՝ բանվոր
• 1991-1993 թթ. «Հայծխախոտ» միավորում՝ տնօրենի տեղակալ
• 1996-1999 թթ. Ավանի թաղապետ
• 1998 թ.՝ «Հայծխախոտ» ԲԲԸ նախագահ
• 2002-2018 թթ.` Հայաստանի ֆուտբոլի ֆեդերացիայի նախագահ
• 2003 թ. - մինչև 2012 թ. ԱԺ պատգամավոր։ ԱԺ ֆինանսավարկային, բյուջետային և տնտեսական հարցերի մշտական հանձնաժողովի անդամ