Հայաստանը, ինչպես Ղազախստանը, առանձնահատուկ հոգածությամբ է վերաբերվում միջազգային իրավունքի նորմերի և սկզբունքների հարգմանը. Փաշինյան
Նիկոլ Փաշինյանը հարցազրույց է տվել Ղազախստանի Egemen Qazaqstan և Казахстанская правда թերթերին:
Հարց - Ղազախստանն ու Հայաստանը փոխգործակցում են ոչ միայն երկկողմ, այլ նաև բազմակողմ կառույցների շրջանակներում։ Արդյոք մեր երկրները փոխըմբռնում ունեն միջազգային և տարածաշրջանային օրակարգի առանցքային հարցերի շուրջ։
Նիկոլ Փաշինյան - Բազմակողմ հարթակներում մեր հարաբերությունները նույնպես բնութագրվում են կանոնավոր փոխվստահելի շփումներով, գլոբալ և տարածաշրջանային օրակարգի արդի հարցերի շուրջ մտքերի անկեղծ փոխանակմամբ և առաջացող խնդիրների համատեղ լուծումներ փնտրելու պատրաստակամությամբ։
Հայաստանը, ինչպես Ղազախստանը, առանձնահատուկ հոգածությամբ է վերաբերվում միջազգային իրավունքի նորմերի և սկզբունքների հարգմանը, մասնավորապես՝ պետական ինքնիշխանության, միմյանց տարածքային ամբողջականության ճանաչման և հարգման, պետական սահմանների անխախտելիության ու անձեռնմխելիության հարցերում։
Մեր երկրները ձգտում են դիվերսիֆիկացնել իրենց տնտեսությունները և տարանցիկ ներուժը։
Ողջ վերը նշվածի համադրությունը միմյանց համար ավելի հասկանալի է դարձնում Հայաստանի և Ղազախստանի դիրքորոշումները միջազգային համայնապատկերի առանցքային հարցերի վերաբերյալ։
Հաշվի առնելով նաև այն հանգամանքը, որ բազմակողմ կառույցների շրջանակներում Երևանն ու Աստանան հաճախ ելնում են, եթե ոչ միշտ համընկնող, ապա շատ մոտ դիրքերից, Հայաստանը պատրաստ է փոխադարձ աջակցության հիման վրա էլ ավելի զարգացնել և խորացնել կառուցողական համագործակցությունը Ղազախստանի հետ տարբեր միջազգային և տարածաշրջանային հարթակներում:
Էս գիշեր մադամ Էրատոն ա կանցեռտ տվել Եռաբլուրում. Արամ Գևորգյան
Չպարզված հանգամանքներում զինծառայողը գլխի շրջանում վիրավորում է ստացել. նրա վիճակը ծայրահեղ ծանր է
Բայրամովը պահանջել է դրոշների այրումը ճանաչել որպես հանցագործություն
Ողբերգական դեպք ՝ Երևանում. բժիշկը հայտնել է, որ երեխայի մարմինը шյրել են, և ծնողը չի կարող վերցնել
Ստամբուլը կրկին ցնցվում է
Ջահերով երթից առաջ Փաշինյանը լքեց կառավարության շենքը (տեսանյութ)
Սյունիքում երեկ մահացած զինվորը 9 ամիս առաջ էր զորակոչվել բանակ
Դիմեցի ՈՒԵՖԱ՝ հավաքականը մազադաշտ դուրս չեմ բերի, եթե Թուրքիայի մարզադաշտում Ադրբեջանի դրոշ լինի
Անձնական բնույթի հարցեր եք արդեն տալիս․ ՔԿԾ պետը՝ Ցեղասպանության ճանաչման առաջնահերթության մասին
«Նիկո՛լ, դավաճա՛ն»․ իրանահայերը պոկել են ՀՀ դեսպանատան աշխատակիցների ծաղիկները. ՏԵՍԱՆՅՈւԹ
