Ես ու Շմայսը սխալվենք, կհասկանանք, դու նախարար մարդ. «Կրթության աստված» Արայիկը խայտառակ սխալներով գրառում է արել (ֆոտո)
Կրթության և գիտության նախարարի ժ/պ Արայիկ Հարությունյանը ֆեյսբուքյան գրառմամբ հրապարակել է «Քաղաքացիական պայմանագիր» կուսակցության նախընտրական ցուցակը:
Թվում է՝ արտառոց ոչինչ չկա. ՔՊ-ի 5-րդ համարը, ոգևորված մանդատավոր դառնալու մտքից, էջին է դրել իրենց ցուցակը: Բայց, օ՜, աստվածներ: 1 տասնյակ անուն ազգանունից ու մոտ 20 բառից բաղկացած գրառման մեջ նախարարն 9 տառասխալ է թույլ տալիս:
Իհարկե, նախարարը կհոխորտա, թե ինքը նման սխալներ չի արել ու հերթական անգամ «ճ կլասսի» կայքերը խաղացել են իր հեղինակության հետ ու «սարքում են գլխին»:
Թերևս չհավատայի էլ գրառման իրական լինելուն, եթե հեղինակը Ֆրանկոֆոնիայի օրերին չիմացած ֆրանսերենը ցույց տալ փորձած Արայիկը չլիներ: Դեռևս թարմ է հիշողությունը, երբ նրա գրառումը հրապարակային խմբագրել էր Դանիել Իոնիսյանը ու գրել, որ «ամոթը չիմանալը չէ, ամոթ է իմանալու իմիտացիա ստեղծելը»: Ու եթե ֆրանսերեն չիմանալն առանձնապես ամոթ չէ, ապա հայերեն չիմանալը, այն էլ՝ Կրթության և գիտության նախարարի համար, ոչ միայն ամոթ է, այլև խայտառակություն անգամ պետության համար:
Հարությունյանի՝ իմացածով ու չիմացածով ինքնահաստատվելու մեկ այլ դեպք էլ կրկին չի մոռացվել, երբ թիվ 130 դպրոցի տնօրեն Արմինե Հովհաննիսյանը նախարարի այցի ժամանակ նշել էր, որ պետք է դպրոցներում օտար լեզուների խորացված ուսուցման փորձնական ծրագիր ներդնել, ասաց, որ ինքը խորացված ուսուցմամբ դպրոց է ավարտել, ինչի շնորհիվ լավ է տիրապետում անգլերենին։ Նախարարը ցուցադրաբար խնդրել էր տիկնոջն իր նախորդ խոսքն անգլերենով ասել, որպեսզի համոզվի, որ կինը չի խաբում: Թերևս ինքնահաստատման ձախողված փորձ էր՝ տիկինը վստահաբար տիրապետում էր լեզվին:
Ու նա Կրթության և գիտության նախարարն է ու, Աստված մի արասցե, վաղվա օրենսդիր: Ողբերգական է պարզապես: Այս մարդը սերունդների՝ գրագետ դառնալու գլխավոր պատասխանատուն է:
Վերջում միայն հավելեմ, որ կառավարությունում ցանկացածի տառասխալն ու վրիպումը գուցե տանելի կլիներ ու երբևէ չէի էլ անդրադառնա, բայց հենց կրթության համար գլխավոր պատասխանատուի սխալը պարզապետ խարան է, մանավանդ որ գրառման մեկնաբանություններում նրան կրթության և գիտության աստված են որակում:
Ու ինչպես կասեր դասականը՝ ես (իմ ռուսական կրթությամբ) ու Շմայսը սխալվեինք, հասկացանք, բայց դու՝ Կրթության ու գիտության նախարար մարդ...
Կցում եմ նաև գրառումն ու գրառման խմբագրված տարբերակը, չնայած նախարարը՝ ինքը, իր էջում արդեն խմբագրել է կամ...խմբագրել են:
Արիանա Հովսեփյան
NEWSPRESS.am-ի հիմնադիր-տնօրեն
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Մահացել է հայոց ազատամարտի երգիչ Սահակ Սահակյանը
«Բռնությունով կեթաս, կիմանաս` ինչ ես արել, ոստիկանության ծառայողին էդքան դուխով տղա ես, որ կարաս բրդ...
Պետական դավաճանություն կատարելու համար հետախուզվում են Վահան Մարտիրոսյանը և Սյուզան Ջաղինյանը
Քյավառցիները դհոլ-զուռնայով դիմավորում են Փաշինյանին (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
Երեկոյան հայտարարություն է հնչելու, անակնկալներ են լինելու դրա մեջ. Աբրահամ Գասպարյանը` Տավուշից (տե...
