Երևանի սրտում՝ Իսահակյան 14 հասցեում, բացվեց «Սինարետա» ծաղկի սրահը (տեսանյութ, լուսանկարներ)

Երևանի սրտում Իսահակյան 14 հասցեում բացվեց ևս մեկ գողտրիկ անկյուն. մեծ շուքով իր հյուրընկալ դռները բացեց «Սինարետա» էլիտար ծաղկի սրահը...

«Սինարետա»-ն հավակնում է դառնալ կանանց սիրելի բրենդը ծաղիկների գունագեղ ու խորհրդավոր աշխարհում, քանի որ այստեղ գույների ու բույրերի համադրությունը կշոյեն ձեր սիրելիների նուրբ ճաշակը:

Ծաղկի տան հիմնադիրն ու տնօրենը NEWSPRESS.am լրատվական կայքի հիմնադիր Արիանա Հովսեփյանն է:

«Սինարետա» ծաղկի սրահում ստեղծվում են յուրօրինակ ծաղկային փնջեր, կոմպոզիցիաներ՝ տարբեր նախասիրության հաճախորդների ու բազմատեսակ առիթների համար:

Ծաղկի սրահը նորաբաց է, սակայն հաճախորդների հետ աշխատում են փորձառու մասնագետներ, ովքեր երկար տարիներ աշխատել, վերապատրաստվել ու հմտացել են իրենց գործում՝ նվիրվածության ու աշխատանքի հանդեպ սիրո շնորհիվ:

«Սինարետա» ծաղկի սրահում կարող եք ընտրել կամ պատվիրել Ձեր նախընտրելի կոմպոզիցիան ու ծաղկեփունջը, պատվիրել թարմ, յուրօրինակ և բազմատեսակ ծաղիկներ՝ պարուրված տարբեր տրամադրության գույներով ու բույրով:
Ծաղկի սրահն իրականացնում է տարբեր բնույթի միջոցառումների կազմակերպում և ձևավորում։

Անհատական պատվերներ ընդունվում են նաև օնլայն տարբերակով՝ Ձեր ճաշակով ու մեր մասնագետների խորհրդատվությամբ:

Կատարվում է նաև պատվերների առաքում, որոնք պատվիրատուին են հասնում արագ և ապահով...

Մի խոսքով՝ բարձրակարգ սպասարկում, մասնագիտական մոտեցում, ամենաորակյալ առաջարկներ ու, իհարկե, հաճելի անակնկալներ հաճախորդների համար․․․