Թշնամուն հարյուրավոր բնակավայրեր հանձնած Նիկոլ Փաշինյանը նոր քաղաք է խոստանում կառուցել
2020 թվականի սեպտեմբերին, երբ ադրբեջանական ծանր տեխնիկան շարժվում էր Արցախի հայկական դիրքերի ուղղությամբ, Հայաստանի վարչապետ Նիկոլ Փաշինյանը սեպտեմբերի 21-ին Մատենադարանում՝ Անկախության 29-րդ տարեդարձի միջոցառումների շրջանակում ներկայացնում էր Հայաստանի վերափոխման՝ մինչև 2050թ. ռազմավարությունը։
Փաշինյանը 2021 թվականի սեպտեմբերի 21-ին հայտարարում էր. «Պետականությունն է միակ գործիքը, որ մեզ հնարավորություն է տալիս կայացնել որոշումներ մեր ճակատագրի վերաբերյալ։ Մենք պետականությունն ընկալում ենք որպես առանցքային արժեք, և շատ կարևոր է արձանագրել, որ հայոց պետականության հավիտենականությունն է այն գործնական խնդիրը, որը մենք պետք է լուծենք»։
Փաշինյանի այս հայտարարությունից 6 օր անց՝ սեպտեմբերի 27-ին, Ադրբեջանը հարձակվեց հայկական պետականության վրա։
Նիկոլ Փաշինյանը Ազգային ժողովում հայտարարեց. «Եկեք պայմանավորվենք, որ ինչ էլ լինի, մենք մեզ պարտված չենք համարելու»։
44 օր տևած պատերազմում հայկական պետականությունը պարտվեց։ Կրեցինք ծանր ու ջախջախիչ պարտություն և մեզ պարտված համարեցինք։ Նիկոլ Փաշինյանը թշնամուն հանձնեց հայկական պետականության մաս կազմող գյուղերը ու քաղաքները։
Հայաստանի վարչապետը թղթով հանձնեց շատ ավելի շատ, քան արյան գնով կորցրել էր հայկական բանակը։
Նոյեմբերի 9-ի լույս 10-ին ստորագրած հրադադարի հայտարարությամբ Նիկոլ Փաշինյանը Ադրբեջանին հանձնեց հայկական պետականության մաս կազմող 121 բնակավայր, որոնցից 52-ը Քաշաթաղի շրջանում, 29-ը՝ Հադրութի շրջանում, 16-ը՝ Շահումյանի (Քարվաճառի) շրջանում, 8-ական Մարտակերտի և Ասկերանի շրջանում, 6-ը՝ Մարտունու շրջանում և 2-ը՝ Շուշիի շրջանում։ Նա Ադրբեջանին է հանձնել հայկական պետականության մաս համարվող վանքերը, եկեղեցիները, խաչքարերը ու մշակութային բարձրարժեք կոթողները։
Թշնամուն 121 բնակավայր հանձնած Հայաստանի վարչապետը հիմա հպարտությամբ հայտարարում է նոր բնակավայր կառուցելու մասին։
«Ակադեմիական քաղաքի նախագիծը պետք է սկսվի Հայֆիլմի տարածքից, որտեղ կտեղակայվի արվեստների կլաստերը՝ արվեստների ավագ դպրոցով, արվեստների համալսարանով։ Կունենանք ժամանակակից համերգասրահ։ Այս հատվածում կունենանք համալսարաններ, բայց ուզում եմ ընդգծել, որ կունենանք սպայական ավագ դպրոցը, համալսարանը, եւ ֆիզիկայի ինստիտուի Աշտարակի ավանում կունենանք տեխնոլոգիական կլաստերը»,-Վահագնի թաղամասին հարող տարածքից ֆեյսբուքյան ուղիղ եթերով ասում է Նիկոլ Փաշինյանը ու երկար խոսում կառուցելու և շենացնելու մասին։
Նիկոլ Փաշինյանը կառուցելու, արարելու, մարդկանց երազանքի մասին մասին խոսում եմ այն նույն ժամանակ, երբ թշնամու զորքը Ջերմուկ քաղաքի մատույցներում է, իսկ թշնամին էլ սպառնում է նոր ռազմական գործողություններով։
Տարօրինակ զուգադիպություն է, թե ոչ, բայց 44-օրյա պատերազմից 6 օր առաջ ևս Նիկոլ Փաշինյանը խոսում էր կառուցելու և երկիր շենացնելու մասին։
Ինչ խոսք, մտածելու բան է...
Մի խումբ երիտասարդներ «Ռոյալ» ակումբում Պզոյին ծեծի են ենթարկել
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
Դիմում ենք դաշնակից ՌԴ իշխանություններին և բարեկամ ռուս ժողովրդին՝ խաղաղապահ զորախմբի դուրսբերման գո...
