Փյունիկը հրաժարվել է խաղալ ռուսական թիմերի հետ. Աղբյուր

«Инсайды от Карпа» տելեգրամ ալիքը հայտնում է, որ Երևանի «Փյունիկը» չեղարկել է ռուսական ակումբների հետ հանդիպումները։

«Հայկական «Փյունիկը», որը պատկանում է գործարար Սողոմոնյանին, չեղյալ է հայտարարել «Օրենբուրգի» (հունվարի 22, այդ օրը երևանյան թիմը խաղացել է «Շախտյորի» հետ), «Կռիլիա Սովետովի» (փետրվարի 7) և «Խիմկիի» (փետրվարի 11) հետ հանդիպումները:  Պատճառն այն է, որ հայկական թիմի ուկրաինացի ֆուտբոլիստները հրաժարվել են խաղալ ռուսների հետ։

Ուսումնամարզական հավաքի կազմակերպիչը զգուշացրել է ռուսական ակումբների ներկայացուցիչներին, որ հանդիպումները կարող են չեղարկվել։ Սամարայի թիմը պայմանավորվել է մեկ այլ մրցակցի հետ, իսկ «Օրենբուրգի» դեպքում նշանակված է եղել 10 հազար եվրո տուգանք։ «Խիմկին» այդ օրը կխաղա ԿԱՄԱԶ-ի հետ:

Հետաքրքիր է, որ «Փյունիկը» ուսումնամարզական հավաք է անցկացնում Թուրքիայում, չնայած այն հանգամանքին, որ անցյալ տարի հայրենիքում նրանց քննադատել էին դրա համար։ Օրինակ՝ «Ուրարտուն», որը մեկ տարի առաջ մրցում էր Տուրչագայում, այժմ մարզվում է ԱՄԷ-ում, «Նոան»՝ Կատարում, «Արարատը»՝ Կիպրոսում։ Սողոմոնյանը միակն է, որը թիմին տարել է հայերի համար ոչ բարեկամ երկիր, իսկ այժմ չեղարկել է նաև ռուսական ակումբների հետ հանդիպումները»,- գրել է «Инсайды от Карпа» տելեգրամ ալիքը, փոխանցում է Armsport-ը։