Ջենիֆեր Լոպեսն ու Բեն Աֆլեքը գաղտնի ամուսնացել են

Լրատվամիջոցները հայտնում են, որ երգչուհի Ջենիֆեր Լոպեսը և դերասան Բեն Աֆլեքը Լաս Վեգասում առանց հյուրերի գաղտնի հարսանիք են անցկացրել։ 20 տարի առաջ աստղերն արդեն պլանավորել էին իրենց հարսանիքը, սակայն անսպասելի խզեցին նշանադրությունը։ Նշվում է, որ Ջեյ Լոյի համար այս ամուսնությունը չորրորդն էր, իսկ Աֆլեքի համար՝ երկրորդը։

TMZ-ը, վկայակոչելով իրենց հասած դատական փաստաթղթերին, գրում է, որ, այո՛, Ջենիֆեր Լոպեսն ու Բեն Աֆլեքը գաղտնի ամուսնացել են։ Ամուսնության վկայականը զույգը ստացել է հուլիսի 16-ին՝ Նևադայի Քլարկ նահանգի դատարանում։ Փաստաթղթում նշված է նաև ամուսինների պաշտոնական անունները՝ Բենիամին Գեզա Աֆլեք և Ջենիֆեր Լին Լոպես։

«Նրանք դա արեցին այնպես, ինչպես մի քանի դեռահաս, որոնք վազում են անապատ՝ այո ասելու համար»,- գրում է TMZ-ը՝ նկատի ունենալով Նևադայի անապատը:

Պաշտոնապես հայտնիները դեռ չեն հայտարարել ամուսնության մասին, սակայն հրապարակման աղբյուրները հայտնել են, որ հարսանիքը կայացել է։ Մինչ այդ զույգն արդեն զբաղվում էր համատեղ կյանքի կազմակերպմամբ։ Պապարացիները նրանց անընդհատ նկատել էին երեխաների հետ՝ ընտանեկան ճամփորդությունների ժամանակ։ Զույգը նաև միասին տուն է ընտրել։ Ռիելթորները իրենց հավանած տարբերակը գնահատել են 60 միլիոն դոլար: TMZ-ը հայտնում է, որ նախկինում տան սեփականատերերն էին Դենի Դե Վիտոն և Ռեա Պերլմանը:

«HollywoodLife» պարբերական ավելի վաղ գրել էր, որ զույգի հարսանիքը, ում անվանում են Բենիֆեր, տեղի կունենա ամռան վերջին կամ աշնան սկզբին Լոս Անջելեսում։

Նշվել է, որ Լոպեսն ու Աֆլեքը ծրագրում են շքեղ տոնակատարություն, որին նախատեսում են հրավիրել բազմաթիվ հյուրերի, այդ թվում՝ Աֆլեքի նախկին կնոջն ու նրա երկու դուստրերի ու որդու մորը՝ դերասանուհի Ջենիֆեր Գարներին։ Հրապարակման աղբյուրն ընդգծել է, որ Բենի երեխաների համար կարևոր է երգչուհու և դերասանուհու լավ հարաբերությունները։

Հիշեցնենք, որ զույգի նշանադրության մասին հայտնի դարձավ ապրիլին, երբ Լոպես հայտարարել էր, որ Բենն ամուսնության առաջարկություն է արել իրեն։