Կարելի է ասել՝ որոշ երկրների ֆինանսական գրոհը, որի վրա նրանք հույս էին դնում, չաշխատեց. Պուտին

ՌԴ նախագահ Վլադիմիր Պուտինը տնտեսական հարցերով խորհրդակցություն է անցկացրել, որում ասել է, որ Ռուսաստանը թույլ չի տվել իր տնտեսության կտրուկ անկում և կայունացրել է գնաճը։ Նրա խոսքով՝ Ռուսաստանի Դաշնությունը դիմակայում է արևմտյան երկրների ճնշմանը, և նրանց կայծակնային մարտավարությունը չի աշխատել, հաղորդում են ռուսական լրատվամիջոցները։

Պուտինն ասել է, որ Ռուսաստանի ՀՆԱ-ի կրճատումը դանդաղել է՝ հասնելով 4,3%-ի, իսկ տնտեսական ակտիվությունը բարձրացել է: Ռուսաստանի Դաշնությունում գնաճի մակարդակն ապրիլի գագաթնակետային արժեքից հետո նվազել է մինչև 14,1%, և հիմքեր կան ակնկալելու, որ կլինի մոտ 12% մինչև տարեվերջ։

«Ռուսաստանը վստահորեն դիմակայում է արտաքին ճնշմանը, իսկ իրականում, կարելի է ասել՝ որոշ երկրների ֆինանսական գրոհը, որի վրա նրանք հույս էին դնում, չաշխատեց»,- համոզված է Վլադիմիր Պուտինը։