Ռուսաստանը մեծացնում է գնդակոծությունները Ուկրաինայի Դոնբասի սահմաններից դուրս գտնվող շրջաններում
Ռուսաստանի պաշտպանության նախարարությունը հայտնել է, որ վերջին հարձակման արդյունքում իր բանակի ստորաբաժանումն ավելի շահավետ դիրքերում է հայտնվել Զապորոժիեյի ճակատային գծի երկայնքով։ Այս մասին տեղեկացնում է իսրայելական The Jerusalem Post-ը:
Շաբաթ օրը Զապորոժիեյի և Սումիի շրջանների պաշտոնյաներըհայտարարել են, որ Ռուսաստանը մեծացրել է Ուկրաինայի արևելյան շրջանների գնդակոծությունը Դոնբասի արդյունաբերական գոտում՝ առաջնային գծից դուրս։
Ռուսաստանի պաշտպանության նախարարությունն իր հերթին հայտարարել է, որ վերջին հարձակման արդյունքում իր բանակի ստորաբաժանումներն ավելի շահեկան դիրքերում են հայտնվել Զապորոժիեյի ճակատային գծի երկայնքով, ինչը ուկրաինացի զինվորական պաշտոնյաները չափազանցություն են անվանել:
Օգոստոսի վերջին ուկրաինական ագրեսիվ հակահարձակումից հետո մարտերը կենտրոնացել են Դոնբասում, որն ընդգրկում է Լուգանսկի և Դոնեցկի շրջանների մեծ մասը, որոնք մասամբ վերահսկվում են Ռուսաստանի կողմից, և որոնք Մոսկվան պնդում է, որ միացրել է:
Փետրվարի 24-ին իր հարևանի տարածք ներխուժելուց հետո Ռուսաստանը հարձակվել է Ուկրաինայի արևելյան այլ շրջանների վրա, սակայն չի կարողացել գրավել դրանք: Ուժեղացված հրետակոծությունը տեղի է ունենում այն ժամանակ, երբ նախագահ Վլադիմիր Զելենսկին և ուկրաինացի այլ պաշտոնյաներ ասել են, որ Մոսկվան, հավանաբար, կփորձի նոր հարձակում առաջիկա ամիսներին:
Պաշտոնյաներն ու վերլուծաբաններն ասում են, որ Ռուսաստանի հարձակումները նպատակ ունեն ծանրաբեռնել Ուկրաինայի պաշտպանությունը և հետ պահել Կիևին տարածքների վերադարձից:
«Փորձելով ուսումնասիրել մեր պաշտպանությունը՝ հակառակորդը ակտիվացրել է հրետանային կրակը»,-Telegram հաղորդագրությունների հավելվածում ասել է Ուկրաինայի հարավարևելյան Զապորոժիեյի շրջանի նահանգապետ Ալեքսանդր Ստարուխը։